台北西門町酒店評論:德立莊酒店 (Hotel Review: Hotel Midtown Richardson Taipei)

眼見啲人好似特別鍾意睇中文版嘅post,所以今次我專登用中文去寫我呢一個post 。 今次要介紹呢一間酒店係位於台北市西門町區嘅一間新酒店。我個人覺得其實台北嘅酒店,如果要住近呢一區嘅話,其實價錢都唔算特別平。如果想住西門町而又揀一啲平嘅酒店,佢哋嘅星級一定好低。我為咗住好啲所以今次專登揀一間比較乾淨同新嘅酒店去試吓。 酒店地點梗係無得頂啦!西門町站出口一出轉右即刻到,無得輸啊!我嘗試過去各大嘅酒店網站搜尋下呢間酒店,價錢大家都有啲唔同喎。我最後梗係check一check官網價錢啦。點知原來官網嘅價錢係最平嘅。咁唔使諗梗係官網book。再加上官網嗰陣時做緊一個優惠就係包免費早餐。呢個早餐唔係落去酒店餐廳食,而係會有專人係朝頭早嘅時候,有專人去你個房嗰度送俾你食。食物就包括有三文治同果汁。 至於間房嘅環境,我覺得就非常之OK。裝修比較高級。由房望出去嘅景觀就係望到城市景。 房間嘅大細都係好好,比其他附近嘅酒店房間大細一定好過佢哋!但係記得book房嘅時候千祈唔好book最平嗰間房,因為最平嘅房間係超級細,細到好似日本酒店咁樣。 酒店房雖然嗰個size夠大,但係個廁所竟然冇浴缸喎!剩係得shower。 成間酒店唯一一個缺點就係佢度房門超級唔隔音。任何人行經過房門大力少少腳步嘅話我都一定聽到。夜晚黑對面房嘅人大聲講嘢少少我間房入面都聽得到。晨早流流七點幾有條茂里係個走廊門口嘈生晒,仲同隔離房嗰個人鬧交鬧到我醒咗!你話呢一間房嘅隔音係咪超級差呢? 如果比我再揀究竟我會唔會再住呢一間酒店呢?如果我再去返呢一區嘅話我會考慮再住呢間酒店,因為佢去西門町實在非常方便。如果你想係西門町區經常出沒嘅話,呢一間酒店係一個不二之選。 Like my Facebook page: www.facebook.com/thepointsaddiction

Airport Lounge Review: Qantas International Business Lounges (Bangkok, Thailand)

I traveled Cathay Pacific Business Class from Bangkok to Hong Kong a few months ago, and I got the chance to visit the airport lounge by using the invitation given upon check in at the airport. I originally want to try the Cathay lounge, but once I got in the whole lounge was packed with … More Airport Lounge Review: Qantas International Business Lounges (Bangkok, Thailand)